გამარჯობა ჩემო შარუხ!
შენი წერილი მივიღე და ვაპირებდი პასუხის მოწერას, თუმცა შენზე ცოტა არ იყოს გულ მოსული ვიყავი: მისთვის, რომ ამდეხანს წერილი არ მომწერე, ამდეხანს არ ჩამოდი და არც ჩვენებთან შესულხარ. დედა მწერს – ,,შარუხა თვალითაც არ მინახავსო”.
ეს-ეს არის გრიშა მოვიდა ჩემთან და ძლიერ გამახარა თავის მოსვლით. წარმოიდგენ, თუ როგორ მენატრებოდა მისი ნახვა ამ ზაფხულში. გრიშა გვეპატიჟება ოჩემჩირეში და მე – გითხრა მართალი – ისევ მომენატრა ხეტიალი. გადავწყვიტე, ამ ერთ-ორ თვეში უთუოთ წავიდე ოჩემჩირეში ერთი კვირით. რა თქმა უნდა, ქუთაისში გამოვივლი და ერთად წავალთ.
მანამდი კი ველი შენს ჩამოსვლას აქ. შედი ჩვენებთან. დედა გამოგატანს რამეს _ პაოლოსთვის საბლუზე მინდა და უნდა შევუკვეთო იმ ქალს. ყოველ შემთხვევაში დედასთან მიდი და ის ყოველივეს გეტყვის.
მომიკითხე დია და პილა.
გელი.
შენი კოლაუ
მოიწერე.
